सक्छौ भने बचाऊ,बाँच्नु मात्रै ठूलो कुरो हैन ॥

मित्र सुमना श्रेष्ठको गजल सङ्ग्रह समालोचना गर्दै थिएँ । यो यौटा गजलमा चैँ घोत्लीन करै लाग्यो-

सक्छौ भने बचाऊ,बाँच्नु मात्रै ठूलो कुरो हैन ॥
पुरा नहुने सपना,साँच्नु मात्रै ठूलो कुरो हैन ॥

तिमी मान्छे हौ याद राख, पृथक हुन्नै पर्छ
अरू अरूकै ईशारामा नाँच्नु मात्रै ठूलो कुरो हैन ॥

दु:ख, कष्टका दिनमा चैँ हतास निरास भएर
सुखका यी दिनहरूमा हाँस्नु मात्रै ठूलो कुरो हैन ॥

आखिर जीबन के हो ?बुझ्नुपर्छ तिमीले अब
ख्याल ठट्टामै समय मास्नु मात्रै ठूलो कुरो हैन ॥

दुश्मनलाई पनि माफि दिए पो महानता झल्किन्छ-मान्छेमा
केवल आफ्नैसँग नाता गाँस्नु मात्रै ठूलो कुरो हैन ॥

(सर्बाधिकार: रचनाकारमै सुरक्षित)